INTRODUSAUN TVIN

Teknologia komunikasaun no informasaun hanesan fator inportante iha era globalizasaun.  Tanba husi informasaun mak ema bele hatene saida mak akontese iha mundo no sosiadade ne’ebe nia hela ba. Media komunikasaun  sai hanesan istrumentu atu fo edukasaun, media komunikasaun social fasilita informasaun ba publiku.  

Hare ba dezenvolvimento media  komunikasaun  social  ne’ebe importante ba publiku, ne’e dunik TVIN (Timor Leste Video Maker Independent) ho orientasaun produsaun Filme documentario assume papel inportante atu habelar informasaun ne’ebe informativu, edukativu no factual ba publiku. Hanesan media komunikasaun social, Iha inplementasaun TVIN kumpri nafatin ba konstituisaun RDTL Artigo 41 no  kaer metin nafatin ba etika profesionalismu, respeito ba privasidade, no iha balansu ba informasaun.

Timor Video Maker Independent hanesan Casa produsaun Audio Visual  no Design hari iha fulan dezembro 2010 no hetan legitimasaun iha tinan 2011 ho lisensa atividades ekonomikus no (LPA 20738/MTCI/II/2011).  Atividade comersio hanesan empresa.

Ho kompozisaun husi profesionais filmmaker Timor Oan ne’ebe agora dadauk servisu  iha caza produsaun ne’e. Ami garante kwalidade serbisu  professional lori produs pacote filme tuir standar documentario no brocasting, .

Membros husi TVIN iha esprensia halo produsaun ba Filme Dokumentario, Drama Fiksi ba publisidade.  Iha mos esprensia hakerek tekstu  ba filme. ho esperensia iha area jornalismu iha tempu  naruk  TVIN prontu atu elabora ideas husi proposta ba  tekstu filme. 

TVIN servisu tuir prosesu produsaun. Faze premeiro Pra-Produsaun: Halo Plano ba produsaun filme, elabora mensagen, karakter,  Plano  orsamento (Buget), Fase  segundu Produsaun: (Shooting). Faze terxeiru Post -Produsaun (Editing, mixing).

Alende halo Filme Timor Video Maker independent tau mos atensaun atu produs ideas kreativo ba camiza, broshura, pamfleto, bunner, no assesoris.